مطعم غير شكل…
بقلم_مروان_جارودي
نصحونا بمطعم غير شكل وما الو تاني بلبنان بأكله الطيب والنظافة والخدمة المميزة و المتميزة…
وخبرونا إنه غالي شوي بس بيستاهل ولما تجربوه راح تشكرونا …
لبسنا نص الخزانة… وفضينا كل قناني البارفان… وإشتريت سيكار فاخر حتى فوت عالمطعم وأنا حامله بإيدي لزوم البرستيج وتكملة للجو الفاخر الغير شكل…
دخلنا….
فإذا به مكان رائع تبدو عليه علامات الفخامة الغير شكل بجماله وأجوائه وزبائنه الأغنياء ويلبسون ثياباً فاخرة مفتخرة ….
واجلسونا إلى طاوله كنا حجزناها سابقا …
وطلبت بعض المأكولات التي سمعت باسمها لأول مرة بحياتي وذلك حسب نصيحة المضيف الذي كان يهتم بنا منذ وصولنا كالأم الحنون والاخت الرؤوم …
وبعد قليل وصلت عرية فاخرة جدا يجرها فيلد مارشل ويرافقة لواء وعميد ركن ويراقبهم جنرال مخابرات …
ووضعوا أمامنا صحونا مذهبة مع ملاعق وشوك وسكاكين فضية… واكواب كريستال أصلية بترن رن …
بنفس الوقت شط ربقي وعرفت ساعتها ان الفاتورة راح تطلع عبوة او لغم خمس نجوم ….
ووضعوا الصحون أمامنا وفيها كميات قليلة جدا… بل نادرة من الطعام …التي استنتجت انها هيدي هي الأكل …
فأعتقدت أن هذا هو أسلوبهم الراقي كي نجربها كما تفعل المطاعم عندما تقدم النبيذ…
فاذا وافقنا ورضينا ، عندها تنزل الطلبية كاملة…
فتذوقناها….
وهو واقف يراقبنا باهتمام زائد كأستاذ لئيم في إمتحانات رسمية او ظابط في فرع المعلومات….
وبما إني لم أفهم ماذا أكلت وحتى لا أبدو متخلفا وديموديه … رسمت على وجهي إبتسامة الرضى والإعجاب خجلا ….
ولأخفي جهلي بنوعية ومضمون هذا الطعام الخاص بالاثرياء … والذي حاولت جهدي ان افهم شو عم اتزمرق …ولكن عبث …
فقلت له بلهجة الخبير المتمرس …
بتجنن وكتير طيية…
ممكن هلق تنزل الأكل كله …
فقال بثقة وعنفوان وببسمة صفراء ليشعرني انه فهم مستواي الشعبي وكشف ذوقي الزقاقي ….
إستاذنا….
هيدا هو الطلب كله بتحب نزل هلق السويت….
فقلت له لأ… بلا السويت…بليظ…. لان انتفخت…
بس…ولي خيي… ممكن اسألك سؤال ذكي …
أتفضل خواجا…
ليش جايبين لنا شوك وملاعق وسكاكين وفوط وكبايات قريصتال …
تاني مرة جيب بس ملقط شعرة وناضور بيكفي…
حسيته زعل شوي…
من شو… ما بعرف…
#مروان_جارودي
